芝加哥串燒酒場 (明雲閣)

Open Now

Now Closed

同啲 friend 一行四人喺屋企附近食飯，食我最愛嘅芝加哥串燒，加上有啲friend都未食過，所以更加要帶佢哋嚟試下。餐廳耐唔耐都會推出一啲特色啤酒，不過自己對啤酒麻麻哋，所以就繼續都係飲Cocktail 😋 叫咗 Blue Hawaiian 同 Sex On The Beach，兩杯酒精味唔太濃烈，非常適合女仔。除咗叫咗平時食串燒最基本點嗰啲茄子燒肉之外，今次仲試咗幾多新嘢。雞肉軟骨棒超級正，所以每次食都會點，大大條而且仲食到粒粒軟骨口感一流。蜜汁燒黑豚肉上次食過又係非常正，所以今日一口氣叫兩份，黑豚肉燒得好好，入口一啲都唔嚡之餘太微微嘅蜜糖香味，朋友都超級鍾意食。芝士燒半殼扇貝勁多芝士勁邪惡，扇貝幾大粒，不過調味方面就鹹咗少少，不過都鍾意食，而且蔥燒口味亦唔差，必點菜式之一。黑松露蝦多士好好味，多士炸到好香口，蝦肉又彈牙，所以當晚叫咗好幾轉。叫咗超級多嘢食最後埋單都只係每位 $500 蚊真心抵。