NUTTEA (兆英商業大廈) (Closed)

呢日同屋企人去中環到行街，經過呢個小巷既時候見到有呢間我至愛既飲品店，平時成日幫襯屋企附近嗰間，估唔到中環都有分店。打開餐牌，見到有好多款既飲品，包括堅果奶蓋茶、堅果奶茶、堅果汁、堅果奶、水果茶、精品咖啡等等，勁多選擇。呢度除左regular既飲品之外，呢排仲有新出既seasonal飲品，有我最愛既芒果啊😍我地諗左好耐，分別點左芒芒堅果奶蓋茶同埋火龍果堅果奶。呢杯芒芒堅果奶蓋茶超級好飲，佢下面係芒果茶底，甜甜既芒果加上清香既茶底，好正。上面係厚厚既堅果奶蓋，好濃郁。一大啖咁飲，可以飲到堅果同埋芒果茶，層次豐富。火龍果堅果奶都好正，感覺好健康！下次可以再試埋其他野飲！