海記合桃坊甜品 (Closed)

海記嘅甜品種類眾多，有最傳統嘅中式甜品、備受歡迎嘅紫薯芋圓系列、唔同嘅水果豆腐花。而其中最出名嘅莫過於加上左碎合桃粒嘅合桃糊，但係鐘意水果嘅我最後反而揀左冰清白玉同芒果黑珍珠。冰清白玉賣相好吸引，同餐牌上嘅相幾乎一模一樣。冰清白玉嘅材料好豐富，有蘆薈、大大啖嘅西柚肉、椰果、小丸子，仲有一團有豐富椰子味嘅cream 。芒果黑珍珠嘅賣相同材料相對冇咁豐富，但係簡單嘅配搭反而襯托出新鮮芒果嘅清甜味。芒果果肉配搭最適合通便減肥嘅黑珍珠，亦即係金不換種子，簡直係健康飯後甜品嘅不二之選。