🌶️ 辣豬肉生菜包係正，豬肉炒得夠香，辣度唔係衝頭嗰種，反而係慢慢滲出，配生菜一齊食幾爽口。
🦀 蟹肉奄列外層煎得金黃，蟹肉都好多，有鮮味，蛋香夠厚。
🍜 泰北咖喱金麵配燒雞係今次亮點，咖喱濃香但唔膩，佢地話係全椰奶不加水去整，金麵炸得脆，燒雞皮香肉嫩，配埋湯麵一齊食有層次。
🥞 印度飛餅咬落仲有煙韌感，配咖喱汁一流。
🥥 椰汁沙冰＋椰青清爽解膩，唔會太甜，飲完唔口乾。
🥭芒果糯米飯蛋糕，芒果熟得啱啱好，糯米煙韌，椰漿香但唔膩，生日版仲有小裝飾，幾有心思。
整體出品有誠意，味道有層次。米芝蓮推介唔係靠裝修，係靠味道。難怪全晚都坐到全場爆滿，見到不時有人要等位。
