泰聚

朋友仔話唔敢去泰國旅行住，不如搵間泰國菜食下，呢間泰聚野食唔錯，環境都唔差。

芒果爆炸魚，好有驚喜，成條魚炸，仲起埋肉，炸到外脆內軟，配上甜酸汁、芒果絲、腰果、洋蔥、蔥和辣椒，好豐富！

泰式香葉肉碎炒飯，炒得好香，粒粒分明，食落辣辣地，好香口。

青咖喱雞，雞肉份量都唔少，青咖哩稠度適中，茄子索埋青咖哩超好味。

香酥烤薄餅，叫黎點咖哩仲好食。

香茅薑蜜，個飲品好特別係複雜嘅味道，飲落先係薑味之後再滲香茅岀味。

三色香芒糯米飯，有班蘭、蝶豆和原味3種，視覺美觀之餘，味道有層次，仲有成隻芒果。