谷芋 (Closed)

網上睇到好多人介紹呢間由大專生開嘅飲品舖，作為芋頭控心思思想試好耐，行開黃埔呢頭就試下。中午時間去，冇乜人吾使等好耐，嗌咗芋頭豆豆($34)。入面有牛奶，芋頭沙冰，珍珠同芋圓地瓜圓。攞杯野飲嘅時候店員都會提醒要攪勻先飲。芋頭沙冰飲到有芋頭，真材實料，味道都唔假。珍珠同芋圓個份量都好多，杯野飲到尾都仲有。不過珍珠有少少太淋，芋圓就硬咗啲啲。成杯野飲整體唔錯，鐘意芋頭嘅人可以一試。同時買野再like佢ig有得做會員，之後買野有9折，仲可以儲分。