去尖沙咀做完facial，等食飯之際，見到有間裝修好清新嘅新店，於是就走埋去睇下，原來係台灣過江龍茶茶Go嚟咗香港！聞說係台北芋頭奶嘅代表，又睇吓係咪真係咁好飲先😎
🍠逮丸芋頭一號 ($45)
果然名不虛傳，超足料！芋泥香濃厚棉，芋丸彈牙有咬口，加上日本明治牛奶，每一啖都充滿芋泥，但又有唔會漿嘅感覺，芋頭控必食之選！
呢度嘅手工烘焙包都有一個特色，就係色彩繽紛，
有藍色嘅「藍蝶琥珀珍珠」
紅色嘅「火龍果包」
紫色嘅「黑糖薑汁紫薯包」
橙色嘅「明太子芥末法包」，
仲有我今次介紹，綠色嘅「花樣紅豆抹茶」！
見到成個包櫃都咁色彩繽紛，心情都真係開心d！
🥯花樣紅豆抹茶 ($18)
外形成個冬甩咁，仲有灑到成個花花形嘅糖粉係面，好有春天嘅氣息！🌸
呢個包質地厚實又鬆軟，😝點解咁講呢？因為佢唔會好似d空氣包咁，食左好似冇食過
，咬落去係有種實在嘅感覺，但又唔會硬到法包咁，發粉嘅份量啱啱好！紅豆蓉好幼滑，不過我就嫌紅豆少左d，如果多dd就好啦~
