留意：舖內店員唔多，可能一人做幾個角色，所以食物可能等多少少時間。
————————————————
🍡 重量級冰極芋圓鍋, $128
嚟到嘅時候除咗自帶仙氣之外，真係大到有啲嚇親，有3種芋圓加10種配料，食完真係飽左7成。芋圓唔係只有口感，有少少芋頭蕃薯嗰啲味，都幾okay。唔計芋圓嘅話，我就鐘意佢個芋泥🤤。
🌋 睡火山, $78
冰粒帶奶味，除咗面頭嘅oreo碎，裏面仲收埋左朱古力雪糕，奶凍同一啲蒟蒻口感嘅粒粒，都算幾有驚喜。
🐔 三杯雞飯套餐, $48
呢個50蚊都唔使嘅套餐有齊晒飯，餐飲同甜品，價錢真係冇得輸。味道方面都唔錯，只係對於食開淡嘢嘅我重口左啲
🍵 抹茶點點鮮奶茶, $38
抹茶味都幾濃，唔錯
🍵 奶蓋烏龍茶, $38
茶味較澀，如果唔同奶蓋一齊飲稍苦。
