勝面 (Closed)

新開既台式餐廳晚市7點左右已經大排長龍，餐廳環境以白色為主，簡潔乾淨既感覺，座位都算寬闊。叫左涼拌手撕無骨鹽水雞配手工刀削湯麵($62)，人氣精燉牛腱心湯麵($58)，流心麻糬芋泥雞蛋手工手抓餅($38)，飲品熱情南島($33)。每款食物基本上可以配湯麵/湯飯，有d可以配拌麵。由於揀拌麵既話會係辣，所以揀左手工刀削湯麵。手工刀削麵麵身唔會煮得過"冧"，個人鍾意硬身口感，所以唔錯。湯底清甜，飲完唔會口渴。涼拌手撕無骨鹽水雞既份量望落唔多，但食食下原來都幾多。芝麻味香濃，雞肉唔算鞋口，仲有d爽爽地既雞皮添。牛腱心湯麵一碗有4塊肉，厚度正常，牛腱心煮得夠入味，仲有d透明骨膠原。湯底同樣清甜，一d都唔油膩。最吸引既芋泥手工手抓餅即整，大約等左15mins左右。上枱個陣熱辣辣，外皮手抓餅好酥好脆，而且d芋泥邊食邊流出黎，好jeng。麻糬一大件，每啖都食到芋泥麻糬。芋泥甜度適中，食完主食再食尼個甜品，一流。就算放耐左先食，酥皮一樣好食。值得食。飲品方面，就不過不失。唔會過甜。不過膠杯冇蓋冇封口，感覺上少少怪。整體，侍應有d識講/識聽/(both)廣東話，會用普通話覆單，感覺好似真係係台灣咁。食物水