Read full review
2018-09-17
3555 views
衷心推薦呢間餐廳俾大家，無論食材，賣相，服務定係味道都係滿分。相比我之前食過幾間既Omakase，鐵人旨花既廚師發辦最令我滿意，每款菜式都比到驚喜我，每一口都係滿滿幸福既感覺，實在令我回味無窮，而且師傅會詳盡講解每一款食物，店主又會主動問我地意見，關心我哋夠唔夠飽，服務一流，非常值得我去寫一個好評去支持❤️-坐係吧枱，可以近距離欣賞師傅大顯功架。前菜包括：靜崗縣蕃茄，八爪魚，和牛海膽 蕃茄上輕灑上水晶岩鹽，味道更豐富。慢煮八爪魚🐙入口軟稔，配上秘製醬汁，味道香濃，入味。和牛海膽經輕輕炙燒過，和牛介乎生熟之間，油香四溢，配上海膽既甘甜，為今餐揭開序幕。前菜已經好出色，估唔到接落黎既刺身更加驚艷。金色既盒子盛載住四款刺身，賣相精緻，貴氣逼人。池魚肉質軟滑，配上咸香綿滑既海膽，令人欲罷不能。赤貝爽口彈牙，鮮甜美味。而油甘魚同金目雕肥美厚肉。每一款刺身都各有特色，令人回味。東星斑，肉質較為結實。我覺得個精髓在於魚皮，經炙燒過後香味升級。第一次食腦天，即吞拿魚頭頂肉，一條吞拿魚只得兩片，非常矜貴。腦天筋少而脂肪多，油脂豐腴，油香滿溢。-接落嚟就係壽司既環節啦👏🏻特別要讚一讚個配菜，蘿蔔經柚子醃過，
-
坐係吧枱，可以近距離欣賞師傅大顯功架。
前菜包括：
靜崗縣蕃茄，八爪魚，和牛海膽
蕃茄上輕灑上水晶岩鹽，味道更豐富。
慢煮八爪魚🐙入口軟稔，配上秘製醬汁，味道香濃，入味。
和牛海膽經輕輕炙燒過，和牛介乎生熟之間，油香四溢，配上海膽既甘甜，為今餐揭開序幕。
前菜已經好出色，估唔到接落黎既刺身更加驚艷。金色既盒子盛載住四款刺身，賣相精緻，貴氣逼人。池魚肉質軟滑，配上咸香綿滑既海膽，令人欲罷不能。赤貝爽口彈牙，鮮甜美味。而油甘魚同金目雕肥美厚肉。每一款刺身都各有特色，令人回味。
東星斑，肉質較為結實。我覺得個精髓在於魚皮，經炙燒過後香味升級。
第一次食腦天，即吞拿魚頭頂肉，一條吞拿魚只得兩片，非常矜貴。腦天筋少而脂肪多，油脂豐腴，油香滿溢。
-
接落嚟就係壽司既環節啦👏🏻
特別要讚一讚個配菜，蘿蔔經柚子醃過，再灑上柚子粉，效果就好似西瓜配話梅粉咁，相得益彰。蘿蔔冰涼爽口，味道酸甜，食到停唔到口😋用黎解膩一流。
白蝦上面既粒粒係手指青檸同三色芝麻，增加好口感同味道層次。壽司飯入面加左少量芥茉，又輕輕灑上豉油，其實無需再額外蘸豉油都已經好好食，可見師傅既細心。
-
深海池魚肉質結實，魚味香濃。
新鮮秋刀魚先會拎黎做刺身，接近秋天，秋刀魚亦都愈黎愈肥美。最特別係配上薑蔥，好似九唔搭八咁但又幾好食。
呑拿魚背位，油份不多。上面係脂肪，用黎增加油份，入口甘香。
赤盧魚，入口軟稔，好香口，有入口即融既幸福感覺☺️
上層鋪滿新鮮海膽，口感綿滑，味道香濃而且唔腥，完全滿足到我呢個海膽控😋我朋友唔食海膽，師傅就為佢準備左吞拿魚蓉，但我都係鍾情於海膽多啲。
食完海膽有啲膩，飲返碗熱騰騰既蜆湯就岩啦。湯既口味較淡，正好清一清喉嚨，一解膩感，而且蜆都好新鮮，咬落去多汁，可見餐廳嚴選食材。
甜品係柚子雪芭同豆腐雪糕👍🏻
柚子雪芭清新怡人，絕不甜膩，入面仲有粒粒柚子。豆腐雪糕🍦豆腐味道較重，比較甜，都係柚子雪芭較合我口味。
-
仲有香煎帶子同拖羅都非常好食！食得相當之飽！今晚既Omakase令人難忘，賣單每人$1408。廚師發辦黎講價錢合理，食物絕對對得住個價錢，而且每款食物(除左蕃茄因為我唔食😭)都比到驚喜我，黎緊都會推薦比朋友👍🏻
Post
