最近天氣愈來愈熱，行街最想買嘢飲
行過紅磡見到呢間茶飲店，原來係新開張
店員話原本來自台灣高雄
茶飲採用台灣茶葉同純蔗糖製，而且用鮮奶而唔用奶精
外觀上的確無其他茶飲店咁亮麗，可以勁打卡
但入口原味感覺較重，無色素
我向來建議茶飲全部叫少甜，否則好多只會飲到甜味
新張期間可以試試一小杯四季春，入口茶味好清香
1
招牌係芋香珍珠奶露，容量只有中杯
整體顏色唔sharp，但似西米露有驚喜
啜入口有啖啖芋香味，芋泥+椰奶係幾香口
似乎芋泥份量唔多，著重椰奶香，入口幾順滑
飲落幾足料，不時食到芋頭肉
珍珠就唔係黑糖珍珠，反而係有芋頭味嘅粉紫色珍珠
好煙韌同重芋香味，飲完解渴，但唔會飽肚
小笠原抹茶鮮奶好啱抺茶控
鮮奶味相對招牌芋香珍珠奶露少，不過抺茶味較重
睇到顏色其實係有啲失望，因為唔係漸層綠色+白色，係淺綠色
但味道上反而同樣有驚喜
抺茶鮮奶好濃郁，鮮奶質感勁幼滑
濃厚抺茶令入口有啖啖甘香茶味
