Video
Read full review
2019-09-28
109 views
師傅今日行開尖沙咀，忽然間肚餓想搵啲嘢食，但又唔知食乜好，正傷腦筋之際，突然間記得呢度附近有間冰室，好似話好撐香港人，師傅當然唔太肯定啦，拿拿聲 fc，最後知道呢一間果然係一間好撐香港人嘅食店，於是乎師傅就拿拿聲入去呢間食店醫肚。去到門口，望入去發覺幾鬼多人，打開門口豎起一隻手指，一個人始終易安排入座。但係未入座之前，侍應已經好細心同師傅講今日食物至少要等半個鐘至九個字先有嘢食，師傅見有時間，等下都冇乜所謂，反正撐香港人嘛，於是坐低睇下有咩食!望左個下午茶餐，諗住揀其中一款的時候，侍應就話暫時未有焗嘅食物，要等好耐，同師傅講揀第二樣，師傅就睇咗一陣，決定叫份公司三文治加杯 凍檸茶走甜。師傅預左喺度慢慢等啦，等左一陣杯凍檸茶就到啦，咁師傅咪唯有飲住杯凍檸茶再等下個三文治。點知道等咗一陣個侍應走埋嚟同師傅講，今日冇公司三文治，真心唔知做唔切定係其他狀況，叫師傅柯打過另一樣嘢食，咁師傅唯有又再睇多次個餐牌，最後就揀咗焗肉醬意粉配油雞髀。即係呢一刻又再次落單喇代表仲要再等多半個鐘以上。喺等嘅期間師傅玩下手機之外!亦都有留意下店內嘅情況，發現似乎人手唔多夠，特別係廚房，唔知係今日有人請假定係點樣
去到門口，望入去發覺幾鬼多人，打開門口豎起一隻手指，一個人始終易安排入座。但係未入座之前，侍應已經好細心同師傅講今日食物至少要等半個鐘至九個字先有嘢食，師傅見有時間，等下都冇乜所謂，反正撐香港人嘛，於是坐低睇下有咩食!
望左個下午茶餐，諗住揀其中一款的時候，侍應就話暫時未有焗嘅食物，要等好耐，同師傅講揀第二樣，師傅就睇咗一陣，決定叫份公司三文治加杯 凍檸茶走甜。師傅預左喺度慢慢等啦，等左一陣杯凍檸茶就到啦，咁師傅咪唯有飲住杯凍檸茶再等下個三文治。點知道等咗一陣個侍應走埋嚟同師傅講，今日冇公司三文治，真心唔知做唔切定係其他狀況，叫師傅柯打過另一樣嘢食，咁師傅唯有又再睇多次個餐牌，最後就揀咗焗肉醬意粉配油雞髀。即係呢一刻又再次落單喇代表仲要再等多半個鐘以上。
喺等嘅期間師傅玩下手機之外!亦都有留意下店內嘅情況，發現似乎人手唔多夠，特別係廚房，唔知係今日有人請假定係點樣，所以似乎有啲踢腳，但樓面嘅職員亦都非常友善，不論你幾多個人入黎，佢哋都會一一同你講聲今日要等得比較耐，所以師傅都欣賞佢哋呢個做法，而且非常有禮貌，非常耐心，非常好。但始終人手都唔係夠，啲單都係比較亂，就算有侍應將食物上枱都幾亂，而且侍應都幾唔肯定，呢個位應該有待改善。
下午茶餐係兩樣嘢，竟然最先比你嘅唔係油雞髀，反而係個焗肉醬意粉。個侍應仲叫師傅食住先啦，食住等啦，師傅當然食啦，唔通等個肉醬意粉凍曬先至開餐咩。肉醬意粉細細兜，味道都正常，芝士同茄膏嘅比例又唔會話太誇張，味道可以，意粉亦都唔算太硬，將啲肉醬加埋芝士撈埋啲意粉都算幾好味，正常嘅肉醬意粉味道唔覺得話太出色，亦都唔會話差。肉醬意粉唔係好大碗，所以師傅都唔使好耐就食曬成碗，之後仲要再等隻油雞髀。
油雞脾真係等得耐，唔知係因為要滷水耐啲，定係點樣，總言之等咗幾耐，期間有一個疑似老闆嘅人呢走去叫侍應幫師傅跟跟張單，但係師傅有頭到尾都冇出過聲，會自動自覺嘅話呢師傅係加分。之後油雞髀登場，都係正常嘅油雞髀，滷水如果可以滷多一陣，等雞髀嘅肉身再索多少少滷水汁會更加好，不過油雞脾係非常之滑身，完全冇鞋或者韌嘅感覺，都係嗰句正常嘅油雞髀啦! 食完師傅極速飲埋杯凍檸茶就走，因為開始已經去到晚飯嘅時間，看見都好多食客進入攞枱，無謂阻住人哋做生意，加上師傅食個下午茶餐都食咗一粒鐘以上，今時今日黎講簡係食得耐，不過佢先至聲明所以係合理。
總括嚟講食物質素正常，暫時食唔到有咩驚喜，服務態度非常好，殷勤有禮，而價錢都係好合理，尖沙咀食個咁嘅下午茶餐40蚊唔使，算係抵食啦。加上今時今日良心食店真係買少見少，呢個時候仲會撐香港人嘅，就真係應該要更多支持，香港人加油! 笑臉係一定會俾，因為淨係服務態度加埋支持香港人，就已經足以令師傅俾個笑臉，至於食物方面，下次有機會一定會再黎，睇下有冇啲特色或者更出位嘅食物。
P.S. 龍門冰室一定要認清楚邊幾間先係正貨
肉醬意粉
6 views
0 likes
0 comments
油雞脾
10 views
0 likes
0 comments
Post
