Zeppelin Hot Dog Shop (Tai Po Mega Mall)

齊柏林熱狗，相信大家都唔會陌生，而上個月終於進駐大埔，以後除左Bulldog Hotdog之外又有好食熱狗啦！今日全民感謝日，一於同大家試試呢間大獲好評嘅熱狗店。 餐牌好簡單，6款熱狗可以單點或跟餐配 2個小食/ 1個小食+1罐汽水，另外仲有唔同小食可以加配。 今次揀咗火炙芝士辣肉醬熱狗 (HKD$42)再跟餐配左薯條同牛油粟米 (+HKD$12)，今日滿50蚊可以減5蚊。由於所有野食都係即叫即整，所以都要等一段時間，好彩無變隻冰狗俾我🤪疫情期間冇得堂食，雖然由外賣到拎返屋企都成十幾廿分鐘，但係都仲熱辣辣。熱狗包又大個又鬆軟, 烘過脆脆地，荷蘭腸再加辣肉醬，生洋蔥同黃芥末，表面再加用火熗灼過既邪惡芝士，睇落好吸引🤤芝士辣肉醬味道好配合，個味豐富得來又有口感，配搭幾好，不過唔知係咪凍左少少拉絲效果無咁明顯，但係整體仲係好好食🤤 配餐薯條都好食，特別係個醬甜甜辣辣叫人停唔到口。店員仲好細心分開上唔會整到薯條淋曬😊下次要試埋其他熱狗先！ 提提大家熱狗製作需時，外賣可以預早打去落單先，咁就可以唔駛等咁耐。 
- 齊柏林熱狗 
📍大埔超級城b區 地下134號鋪(永明眼鏡隔離)

火炙芝士辣肉醬熱狗

$42

齊柏林熱狗