鐵飯碗咖啡屋 (Moved) New Location

裝修環境唔錯，份量又足料既馬來西亞菜式。環境夠大，坐得舒服，適合一班朋友聚會坐低傾偈🗣️✨海南雞飯套餐 $88成個調色板咁，造型好可愛😆 仲有海南雞嘅靈魂，醬汁三寶，薑蔥蓉撈飯是必須的😋 套餐會包埋雞油飯及雞湯，雞件份量多，對於細食女仔嚟講係一種挑戰！✨黑叉燒撈麵配雲吞雞湯 $70麵條彈牙，條條分明、有少少似平時食開嘅雲吞麵口感，撈麵調味本身幾入味！✨蜜汁燒雞全翼 (2件) $53色澤金黃，咬落多汁嘅雞全翼，口感幾好，蜜汁甜度適中。✨手打馬蹄墨魚餅 (4件) $52 😋推薦！咬落去爽口有嚼勁，裏面有細碎馬蹄增加口感，配埋酸酸醬汁幾好食！