幸圓 (Closed)

今日去太古那邊開會，散會後己是三點左右，順便食埋下午茶才回公司吧！呢間日式餐廳正正在客戶公司樓下，裝潢好有日本風格，卡座又大又舒服。下午茶餐選擇不少，價錢亦平民化。洋蔥蜜糖汁豬扒包嗰包好鬆脆，食落颯颯聲。餡料真豐富，有菜，洋蔥，蕃茄，豬扒。豬扒比想像中軟熟，蜜糖汁又不覺甜膩。還有配菜薯角和沙律菜。綠茶芭菲好吸引啊！豆腐雪糕，抺茶雪糕，小丸子，紅豆茸，脆脆米….全部都係我至愛。茶餐包一杯飲品，共數十元，抵食。