力寶軒

Open Now

Now Closed

星期五晚想食啲潮州嘢，諗起上次同屋企人嚟過呢度幾好食，所以就兩個人都嚟食。坐低先送上4杯功夫茶，別具心思。前菜嘅花生好好食，仲配咗話梅，好香口。兩個人簡單點，叫咗一個菜，一個餸同兩碗粥。個菜係沙爹炒玉蘭。玉蘭即係芥蘭，煮得都幾軟硬適中。配上濃味嘅沙爹牛肉，配飯會啱啲。不過我哋叫咗粥。我哋一人叫一碗，一個係蠔仔肉碎粥，一個係瑤柱肉碎粥。$68 一碗都幾抵食。另外一碟係黃色花支片，簡簡單單好香口。餐牌仲有好多唔同嘢食，同場有好多一家大細。