泰COOL (翩匯坊) (Closed)

今天係兩個女仔談心嘅日子，因為要遷就朋友關係，所以選擇咗將軍澳區，又因為想慢慢傾計，所以就選擇咗一間位於海邊嘅泰國餐廳，夜晚景色真係好靚，而且餐廳環境很不錯。由於今晚我哋兩個都唔係太肚餓，所以就只係點了一個主食－海南雞飯，海南雞味道不錯，油飯味道濃郁，更加欣賞係個泰式辣醬！另外點了兩個小食－炭燒豬頸肉及雞翼，豬頸肉香脆可口，而且份量十分多，性價比之選。至於炭燒雞翼，味道更加美味，外脆內軟多汁，唯一略嫌份量比較少，只有四隻，但價錢相對比較便宜。而我自己點了龍眼冰，味道甜美可口，是夏日涼快之選，今晚過咗一個悠閒舒適開心嘅晚上，呢間餐廳係傾計嘅好去處！