於是我就帶佢黎食佢最鍾意食的印度菜~~打算食下咖哩同烤餅~~ :)
第一次黎，跟平時去開的印度餐廳最不同的是裝修光猛新淨，初初覺得似係一間西餐廳多過印度餐廳!!座位舒服~可以悠閒地歎印度菜~~
除了咖哩同烤餅，原來有好多好吸引的小食!!
仲有鐵板系列~~睇相都流哂口水 
首先叫左個Samosa($35)，即是印度的咖哩角，外皮烤得非常脆但沒有油膩感。
印度菜最大特色係香料豐富 :) 呢個咖哩角亦唔例外 :) 滿滿的塞進了肉、薯仔等餡料，還有超濃的香料，喜歡香料的人會很滿足
咖哩角配的綠色薄荷醬，隱約有魚柳包的沙律醬味道，中和咖哩角小小的辣味以外亦有種清新的感覺~
見到好多人叫呢個鐵板燒羊扒tandoori lamb chop($168)，
熱辣辣，初上菜煙好勁~~
肉質嫰滑亦保留了羊肉的騷味~
天羅多香的香料味重，味道濃郁，配埋綠色的薄荷醬更好味
但耐左就無咁好食，肉熟透~
咖喱雞(椰奶) ($88?)+ 黑松露烤餅($28)
1
食印度菜，點都想試下D咖哩同烤餅~
因為叫左燒羊扒，咖哩就叫左雞肉~~不太好辣的我揀左椰奶重的version~~
不過可能燒羊扒太大impact，顯得呢個咖哩雞普通左少少
椰奶味的確幾重，咖哩汁質感幼滑，可能配飯會較好~雞肉就不過不失吧~
而黑松露烤餅比較少見，所以就想試試~
黑松露香味和味道都沒有想像中的濃，可能平時食開意粉/意大利飯習慣了濃濃的味道，這次配上烤餅，味道就不夠突出了
不過烤餅的水準還不錯的~
香草咖哩羊肉 ($88?)
由於咖哩的份量比想像中細，所以食食下個咖哩雞，就決定叫多個唔同味道的咖哩黎試
呢款香草咖哩明顯比椰奶咖哩辣，但又不是辣到會出哂汗果種~~
香料+咖哩+羊肉果然是我家的定番，有羊肉的騷味才能突顯咖哩的野味~
薯仔烤餅($26)
同之前叫的黑松露烤餅完全唔同樣
咖哩sauce煮的薯仔夾到了烤餅中間，像餡餅一樣~
就咁食又得，配咖哩食又得
其他還有洋蔥/芝士/蒜頭等選擇。
Mango lassi ($34)
Coffee Lassi ($34)
Lassi是印度特色飲品~酸酸地，最適合食辣野時享用，可以中和辣味
今次最特別係試左Coffee Lassi，乳酸味咖啡，因lassi本身味道像乳酪，真的想像不到可以溝咖啡~
酸中帶苦，未必個個人鍾意，但我又覺得OK~好特別的味道:):)
雖然係閒日夜晚，但有不少街坊、情侶同大學生黎幫襯~~
店員都是印度人，全程要用英文溝通~~有點異國風情~~
