Video
Read full review
2021-08-10
79 views
一直想試好耐，終於有機會黎食返餐！日系風格舒服到不得了！👍🏻一汁三菜一菜（漬物）柚子蓮藕片、青瓜漬、大腰豆。蓮藕片清新，爽脆；青瓜鹹爽；腰豆綿綿帶添甜。二菜（雞蛋）用上日本極上太白63度慢煮蛋，蛋白好滑而且有微甜既醬汁，配上流心蛋黃，稍後可以輕微加少少米飯到撈起 。三菜（主食）加咗$15要清酒鰻魚，肉質肥美，比起一般嘅鰻魚多咗一種軟糯，口感更佳，不過清酒嘅 酒香上枱前已經揮發，食嘅時候唔係好覺。米飯用上日本穀米御飯，口感多份煙韌而且有米香，飯素香口，食到一半嘅時候，可以把高湯加入去，變到食茶漬飯一樣，穀米會更加軟熟同濕潤。甜品（桂花麻糬班戟 ）擺盤用心，有桂花花瓣襯托。Pancake底唔會太厚，食落鬆軟，麵粉粒均勻，上面嘅雲呢拿雪糕好大球，班戟中間有大大片麻糬，煙韌唔黏口，餐廳把麻薯配埋紅豆蓉，令本身淡身嘅麻薯多咗一份豆香同甜，拌碟既香蕉、提子、蜜柑、提子乾同埋粟米片，健康得黎口感又豐富多點。洛神花水果茶入口清甜，帶有少少酸，粉紅色嘅茶水又靚，沖左三次水都依然有味！伯爵可可面頭有層奶泡，用嚟打卡一流。店員提醒攪拌後先飲用，第一啖好有花香，朱古力濃郁，兩者配合飲完唔會覺得漏，伯爵會比朱古
👍🏻一汁三菜
一菜（漬物）柚子蓮藕片、青瓜漬、大腰豆。蓮藕片清新，爽脆；青瓜鹹爽；腰豆綿綿帶添甜。
二菜（雞蛋）用上日本極上太白63度慢煮蛋，蛋白好滑而且有微甜既醬汁，配上流心蛋黃，稍後可以輕微加少少米飯到撈起 。
三菜（主食）
加咗$15要清酒鰻魚，肉質肥美，比起一般嘅鰻魚多咗一種軟糯，口感更佳，不過清酒嘅 酒香上枱前已經揮發，食嘅時候唔係好覺。米飯用上日本穀米御飯，口感多份煙韌而且有米香，飯素香口，食到一半嘅時候，可以把高湯加入去，變到食茶漬飯一樣，穀米會更加軟熟同濕潤。
甜品（桂花麻糬班戟 ）
擺盤用心，有桂花花瓣襯托。Pancake底唔會太厚，食落鬆軟，麵粉粒均勻，上面嘅雲呢拿雪糕好大球，班戟中間有大大片麻糬，煙韌唔黏口，餐廳把麻薯配埋紅豆蓉，令本身淡身嘅麻薯多咗一份豆香同甜，拌碟既香蕉、提子、蜜柑、提子乾同埋粟米片，健康得黎口感又豐富多點。
洛神花水果茶
入口清甜，帶有少少酸，粉紅色嘅茶水又靚，沖左三次水都依然有味！
伯爵可可
面頭有層奶泡，用嚟打卡一流。店員提醒攪拌後先飲用，第一啖好有花香，朱古力濃郁，兩者配合飲完唔會覺得漏，伯爵會比朱古力更早入到味蕾
👍🏻👍🏻餐廳霸佔左整個天台，分左室內同室外既環境，兩邊都佈置得好似庭園一樣，的確舒服！
💡高湯如果唔夠可以添加！
Post
