街角咖啡 (Closed)

呢間喺佐敦既咖啡店唔算好大間，但有種溫馨嘅感覺，非常舒適。打開餐牌，見到有好多小食同埋咖啡可以選擇。我地點左煙肉配班尼迪蛋，平時出街班尼迪蛋通常都要過百蚊，呢度$88就食到，都算幾抵食。兩塊窩夫餅上面鋪咗煎香左嘅煙肉，仲有煮到啱啱好嘅班尼迪蛋，一切開，半流心嘅蛋汁就流出，配埋啲醬一齊食好夾。另外仲有招牌牛肉漢堡配薯條，漢堡扒非常厚身，而且充滿香濃嘅肉汁，配埋芝士、蕃茄、生菜同漢堡包一齊食，層次豐富。呢到既飲品都好高質！