十大碗粥麵專家

Open Now

Now Closed

想搵一間坐得舒服價錢又合理嘅粥麵鋪唔易，太子依頭就有一間。夏日炎炎，一入去就覺得涼快不少，幾整潔，印象唔錯。鋪頭主打港或粥麵、腸粉炸兩等等嘅小食。我同朋友叫咗牛腩水餃米、炸雲吞同埋可樂。牛腩水餃米($41)，牛腩係用柱侯醬係燜，味道好濃，又夠腍，估唔到份量咁多，而且仲有少少牛筋。水餃餡料多，入面有蝦、冬菇、木耳等等，特別係蝦係原隻上，一啲都唔辜寒。而湯底係腩汁，係成碗麵嘅精華。炸雲吞($35)一共有5粒，熱辣辣咁上，所以要好小心咁食。每粒都炸得好脆，而入而嘅蝦又保持住鮮味。唔想食咁熱氣又可以浸係湯底都一陣，吸埋啲腩汁一齊食~最估唔到嘅係可樂淨係要$8，仲要係支裝，識飲嘅一定知道支裝可樂係最爽最好飲。如果有叫粥麵或者小食，只係需要加$8就有港或飲品。