鮨和居食屋 (Closed)

今晚收工嚟到位於銅鑼灣登龍街的「鮨和居食屋 」，店內裝修簡約溫馨，充滿日本風味🇯🇵座位間隔具一定距離，可以好好享受同朋友嘅私人空間💕餐廳設有小會席料理Set，最近為慶祝開業兩周年紀念，仲特別設有鮨和感謝祭午市Omakase套餐(特上)廚師發板壽司拼盤從味道比較淡的赤貝同吞拿魚開始食起，赤貝口感爽脆，吞拿魚好新鮮👍🏻油甘魚同劍魚都充滿光澤，富有魚鮮味牡丹蝦、帆立貝，厚厚的，好鮮甜炙燒秋刀魚、金目鯛、燒左口魚邊，呢三款魚經過師傅輕輕火炙燒過，魚油滲出，好肥美，勁好食迷你特上三色丼，分別有三文魚籽、日本海膽、香蔥碎吞拿魚腩，海膽同三文魚籽都鮮味十足，不得了呀，配上香蔥吞拿魚腩蓉，簡直係絕配黃花魚一夜干燒至金黃色的黃花魚，魚皮微微香脆，內裏嘅魚肉超嫩滑，鮮甜味美，滿有魚鮮味，好好食呀牛肉壽喜燒壽喜燒湯底甜甜鹹鹹，配上日本精選牛肉片、什錦蔬菜、豆腐、大蔥、日本粉絲等等，好豐富呀！牛肉口感香軟，肉味濃郁，沾上日本生雞蛋後食用更加滑溜～整個火鍋嘅味道同口感都好豐富呢，而家冬天食就啱晒！