大澳德發 (Closed)

疫情開始之後，銅鑼灣嘅鋪頭都轉咗好多。今日嚟新開嘅大澳德發。 大澳德發提供港式大排檔菜式，但裝修一啲都唔大排檔，有好多舊香港嘅裝飾。 前菜揀咗陳醋木耳，清新一下。小食點咗七味炸豆腐，但一啲都唔細碟。呢款炸豆腐係我比較喜歡嘅，唔係傳統嘅椒鹽豆腐。 店家提供不同套餐優惠，揀咗海中蝦配鮑魚。海中蝦係煎嘅，咸淡適中。鮑魚可選椒鹽或酒泡，我哋揀咗椒鹽，超級香口熱辣辣。另外仲點咗豉椒炒花甲，花甲好新鮮，連配菜都好味。蟹肉西蘭花，有好多蟹肉，絕無欺場。