Opa Mediterranean Bar and Bistro (Closed)

阿女話之前行經尖沙咀見到有一間裝修得歐陸風情而又舒適的餐廳，好想試下於是便一齊去試。餐廳四面開放，天氣雖然好熱，依然都有風吹入嚟幾涼爽，環境非常舒服，可以揀坐沙發或者高櫈，一邊飲下酒傾下喝，輕鬆又寫意。

一

我哋試咗一份海鮮拼盤串燒,有吞拿魚、三文魚、大蝦、同埋薄餅，吞拿魚同三文魚嘅肉質緊緻、有肉汁，加埋佢嘅燒烤醬放喺塊薄餅上面一齊食，好食到停唔到口。佢嘅串燒唔係用竹籤打橫擺而係垂直擺，賣相超靚，仲可以打卡曬靚靚。。。

海鮮拼盤串燒

$188

海鮮拼盤串燒

雜菌意大利飯好香、好重蒜頭味，大量雜菌令成個飯充滿菇香，飯粒有咬口，正宗意大利飯feel

雜菌意大利飯

$148

Tacos有幾隻味揀，包括辣牛肉，辣雞肉同埋辣薯仔。我哋揀咗雞肉，鮮嫩得嚟唔太辣，啱晒啲食唔到辣嘅人；我鍾意佢夠多醬汁，令成個味道更豐富更有層次

墨西哥辣雞肉夾餅

$65

Pizza叫咗MV Special，有辣雞肉、菠菜、酸忌廉、蘑菇，辣味夠搶，啱晒想食辣嘅人，Pizza唔係好重酸忌廉嘅味道，但係佢加咗羅勒醬（Menu上面冇寫），幾surprise。。。

$148

呢杯margarita cocktail 好靚，白雪雪加咗塊青檸好啱影相。淡淡的青檸味加好香酒味，唔似出邊啲Cocktail好似飲緊mocktail 咁，淡淡夏日飲返杯，消暑又解渴。

$58