紅茶 (Closed)

今日落好大雨🌧，喺旺角行行吓頂唔順，諗住搵個地方坐低食啲嘢同避吓雨，於是就入咗去「紅茶」食返個tea啦！呢間茶記好大，坐位亦好多，有上下兩層！感覺即使唔多人(1-2人)都依然可以安排到卡位。👍🏻芝士炒蛋魚柳包伴薯皇 $40 (凍飲+$3)上枱時啲薯皇勁熱辣辣！雖然唔係有好多嚿，但以下午茶嚟講呢個份量我接受～🤣反而個魚柳包🍔竟然好夠份量，有魚柳、芝士、生菜、炒滑蛋、配埋千島醬汁同埋令成個包加晒分嘅蕃茄！好係茶記漢堡包嘅味道！值得一試～👍🏻最後簡單講返杯凍奶茶少冰，味道略嫌有少少過甜，同埋落咗好多奶～