餐牌圖文並茂，同一般麵店有所不同。
睇見咁多圖，即刻變得貪心左，想食多個餸，最後揀左魚旦拼牛丸幼麵，加杯涷檸賓，咁就係一人晚餐了。
呢度可以自助添水，自己搞掂。
落單後，食物幾分鐘內便送上，絕對唔驚會餓親。
白魚旦好彈牙，一啲魚腥味都無，唔怪之係魚旦專家。
牛丸比魚旦更爽口，咬開仲有肉汁，肉質唔似溝左豬肉，好彈牙，真係估唔到咁出色。
幼麵無我最怕嘅鹼水味，又唔會煮得太淋，質地適中，唔錯。
另外要讚一讚一位男侍應，雖然晚飯時間比較多人，但係我一個人拎住一袋二袋都願意俾我坐卡座，等我可以坐得舒服啲，果然好細心呀。
