伊賀日本燒肉料理 (Closed)

一班人飯聚，有乜野俾喺尖沙咀鬧市樓上舖開着大冷氣，燒到興烚烚「大吃大喝」，食住燒肉、嘆着冰凍既凍飲既「土豪式享受」黎得更正！位於尖沙咀赫德道既「伊賀日本燒肉料理」同市面大部份既放題燒肉店一樣，一個價錢「全包宴」任飲任食，只要你個肚夠大，兩個鐘入面任你食埋聽晚果餐都重得！坐低無耐店員首先奉上一大隻魚生船，等我地可以每樣都可以淺嘗一下，確定邊樣「啱嘴型」先再落單，咁就唔駛擔心浪費食物啦！同刺身差唔多，都未正式落單呢個燒肉拼盤就會主動送到。五花腩、極上小牛排、伊賀一口牛等等通通有齊，啱晒三心兩意，想每樣都試D既朋友！炸物好似芝士年糕、唐揚炸雞同松葉蟹棒天婦羅等等都只係一般，建議留返個肚食其他野！生蠔非常大隻，比想像中更加新鮮，而且無放題常見既腥味。係咁易輕輕燒一燒、「辣一辣」就已經可以入口，千企唔好overcook呀！「一口豬」可以話係今餐燒肉之中既敗筆，因為真係太肥喇，全舊都係肥豬肉，建議鍾意「一口」既朋友可以考慮改食「一口牛」！燒肉方面，畢竟始終放題既價位真係唔可以要求太高，但唔同種類既牛整體質素算係中上，不知不覺間原來已經encore左三次！鍾意食辣既朋友千企唔好錯過「地獄雞中翼」呀，