Applegreen (Closed)

呢間 applegreen 食物唔錯, 地方夠大, 客人唔算好多, 所以時不時都會上黎食晏.今日 lunch 上到去又係即刻有位坐, 呢度枱與枱之間空位唔會話太窄, 座位感覺舒適. 除了著名的沙律之外, 平日是有提供午市套餐的, 頭盤有湯或沙律, 主菜有幾款選擇, 還附送甜品以及餐茶, 午餐有這樣的設定, 就已經很叫人欣賞了.我今天頭盤食沙律, 主菜則叫了個蒜片菠菜意粉. 這個跟餐的凱撒沙律還真不簡單, 大大的一碗, 一點也不欺場. 菜唔算好新鮮, 應該係就咁放左一段時間吧, 芝士夠味, 醬汁濃烈, 口感還好. 主菜的菠菜意粉綠綠的畔著幾粒蒜片, 很是有趣. 意粉上面還放了一大塊麵包, 相信不用擔心這個素菜的意粉會唔夠飽了.  不過我覺得今天意粉的醬汁太過"杰", 而味道卻反而略淡, 實在奇怪. 食完主菜之後, 服務員會主動過來詢問餐飲, 並提問是否可送上甜品, 一切由客人自己決定, 不會不由分說便把一切送上枱面, 讓人連透一口氣的時間也沒有.甜品是薑味雪糕餅乾, 薑味甚濃, 雪糕則普普通通, 至於塊餅, 是非常硬身那種, 要把它弄開, 還真花了不少力氣.