Video
Read full review
2019-09-12
24 views
落雨絲濕，想揾個舒舒服服既地方食個晚飯，喺土瓜灣唔係太知有乞野食，好彩有地頭蟲朋友帶我去食正野，不過呢間其實有幾間分店，叫做金鶴拉面。 我朋友叫左個黑蒜油拉面，一送黎就feel到超香既墨蒜油味，但又唔會過濃。我試左佢個湯底，真係好香甜既湯底加香超濃既黑蒜油味，好match，食拉面叫黑蒜油湯底係必定無死。啲配料包括左肥瘦適中既叉燒 兩片滑雞肉，仲有少少筍，最正係有半隻勁流心既糖心雞蛋，好滿足。面質有咬口得黎夠熟冧，但係慢慢食又唔會濕到冧晒，好正。 而我，梗係要食店長推介既超濃白雞湯拉面，一上枱，見到碗白雪雪既湯底就知有幾濃郁豐厚! 一個字，甜! 個湯底feel到係用勁多鮮雞煲煮而成，好稠，好滑，啲湯係完全掛住左響啲面度。配料除左有黑蒜油拉面果幾種之外，最特別係面頭有一堆好長既炸牛蒡，無諗過牛蒡炸完係一啲怪味都無而且係咁香口，無渣。黎食日本拉面點少得鰻魚! 我地叫左串燒鰻魚一齊share，有三件，啲鰻魚好厚肉，一入口係充滿住油香，配合埋燒汁，微脆既外皮而又勁度鬆化既肉身，係極度正!提外話，個waiter好有禮貌，佢係咁幫我地添水，而且呢度環境好舒服，暗淡既燈光照射落個bar枱，好有
落雨絲濕，想揾個舒舒服服既地方食個晚飯，喺土瓜灣唔係太知有乞野食，好彩有地頭蟲朋友帶我去食正野，不過呢間其實有幾間分店，叫做金鶴拉面。
我朋友叫左個黑蒜油拉面，一送黎就feel到超香既墨蒜油味，但又唔會過濃。我試左佢個湯底，真係好香甜既湯底加香超濃既黑蒜油味，好match，食拉面叫黑蒜油湯底係必定無死。啲配料包括左肥瘦適中既叉燒 兩片滑雞肉，仲有少少筍，最正係有半隻勁流心既糖心雞蛋，好滿足。面質有咬口得黎夠熟冧，但係慢慢食又唔會濕到冧晒，好正。
而我，梗係要食店長推介既超濃白雞湯拉面，一上枱，見到碗白雪雪既湯底就知有幾濃郁豐厚! 一個字，甜! 個湯底feel到係用勁多鮮雞煲煮而成，好稠，好滑，啲湯係完全掛住左響啲面度。配料除左有黑蒜油拉面果幾種之外，最特別係面頭有一堆好長既炸牛蒡，無諗過牛蒡炸完係一啲怪味都無而且係咁香口，無渣。
黎食日本拉面點少得鰻魚! 我地叫左串燒鰻魚一齊share，有三件，啲鰻魚好厚肉，一入口係充滿住油香，配合埋燒汁，微脆既外皮而又勁度鬆化既肉身，係極度正!
提外話，個waiter好有禮貌，佢係咁幫我地添水，而且呢度環境好舒服，暗淡既燈光照射落個bar枱，好有feel。
雖然淨係叫左2碗面再加一串燒鰻魚，但係都夠飽，兩個女仔食唔到太多野，下次經過其他分店都會再試埋其他既食品!
Post
