，酒樓內大部份都係屋邨嘅老街坊，而且D服務員真係幾有禮貌，令到我覺得份外有親切感
好喇~講番呢度嘅出品先，呢度嘅點心水準幾好，而且早茶時段更設有特價點心及孖寶套餐，我同媽咪點咗山竹牛肉、七彩炒米粉同榨菜蒸排骨飯(細)，價錢平又有水準，屋邨內嘅酒樓確實不比油尖旺區比較有名嘅酒樓遜色
1
榨菜蒸排骨飯~呢個做法相當聰明
，因為榨菜本身夠咸香，其實已經好送飯，再加上D排骨肉質鮮美，同我喺九龍區大部份嘅酒樓所食到嘅真係好唔同，因為有某D酒樓所醃製嘅排骨，唔知係咪加咗好多糖嘅關係，一食落口真係甜到
……，搞到盅飯根本冇辦法食落去，但呢度絕對冇呢方面嘅問題，而且飯粒好煙un，粒粒分明兼有米香，掂！
酒樓內環境相當乾淨企理，而且大部份坐位都貼近大型玻璃窗，可俯瞰街景(晨早/下午/晚上)，感覺份外良好！
心寧神會嘆早茶(榨菜蒸排骨飯
榨菜咸香，加上有紅辣椒絲帶些少辣，令人促進食慾，加上惹味排骨，再嚟一碗不足為奇
七彩炒米粉
賣相十分討好，奪目繽紛材料豐富~有炒蛋絲、西芹絲、火腿絲、青葱絲、紅蘿蔔絲、榨菜絲及椰菜絲🤗，集齊七種唔同顏色嘅食材，而且米粉質感好煙un，唔會炒到碎濕濕，呢個炒米粉其實真係好有營養，集合多款嘅瓜菜，相當唔錯！可惜落油重手咗少少，但係都可以接受
山竹牛肉(前)，質感彈牙
，配以喼汁一齊食，果真係平民嘅美味，其實人生~並非要每餐都要食山珍海味，奢華飯局，簡簡單單嘅一餐早茶，只需要幾十元嘅價錢，對我嚟講就已經相當滿足了😋☺🤗順便一提：呢度晚上係有得打邊爐，而且價錢幾平，每位都只係$138元(任飲任食)，good！
