1
]
]
]
]
🥘香草牛油海鮮拼盤 $288(開業限時優惠)
好大盤丫😍
🦞有一隻手掌咁大嘅波士頓龍蝦~爽口彈牙，蟹鉗厚肉。
🦀4隻長腳蟹腳~肉質正常，不過冇乜味。
🦐4-5隻蝦~新鮮彈牙。
🦪扇貝同青口~鮮甜，不過肉就細粒啲。
🦑魷魚圈~好多舊。
🦪仲有食極都有嘅蜆~無沙，鮮甜。
墊底仲有好多蔬菜：🌽粟米，🥦椰菜花，豆角，好足料。
醬汁係橙色，食落冇乜牛油味，感覺似唔辣淡版嘅冬陰功，同想像中嘅香草牛油有點不同。海鮮沾醬汁食好夾，因為有啲海鮮比較淡口。
盤係金屬，熱度流失較快，但龍蝦同蟹腳呢啲要花時間食，食完其他野就變涼，失左啲香氣，不過仍然好美味，食得好滿足。
🍲黃咖哩慢煮Prime牛筋腩 $118
黃咖啡好香，椰汁味不重，慢煮牛筋腩非常淋，入口化開，煲仔細細，但料足好味。咖哩一定要配飯+$13，不過配多士都好正。
]
🍞香草蒜蓉牛油多士磚 $42
好濃郁嘅蒜蓉牛油，好heavy，但真係抗拒唔到佢嘅香鬆脆，沾咖哩簡直一流，食多4件都得👍。
🍹手作奶蓋美式咖啡 $40
奶蓋有點淡藍色，仲有食用花做裝飾，好夢幻，咸咸地，配上美式咖啡，好有Dirty嘅感覺，好飲又可打卡。
🍹泰國手標奶茶 $36
泰式奶茶比較甜，叫咗小甜小冰，茶香特別。
