悅火 (Closed)

呢間爐端燒裝修好靚。燈光暗暗地，有氣氛又有情調。亦都感受到佢設計師自己既風格。仲可以坐喺吧枱睇住幾位廚師準備食材、喺爐火上面燒烤食物、落調味料、裝飾上盤。係好特別既體驗。我哋幾個女仔試左牛小排、三皇雞翼、豬腩肉、當日鮮魚（唔好意思唔記得魚名)、原隻茄子、青椒等等。鐘意睇住佢燒完即時放到我哋碟上。另外亦都試左佢幾道和食同埋冷盤，好似野菜天婦羅同埋師父埋介既當日限量日本生蠔。每人大概500幾。呢類裝修、呢個氣氛、呢份味道我個人認為真係非常抵食！推！