揀得啱車仔麵 (Closed)

嗰日本來想食大家樂，但見到呢間新嘢，反正都係食晏，咪試下咯。車仔麵一般印象真係好似《食神》咁講，張櫈有咁窄得咁窄，碗嘢有咁細得咁細，但呢間嘢啱啱相反，唔用圓櫈兼有椅背，好舒服，最正係咩，可能因為舒服濶落乾淨，當日Lunch坐低嘅，大部份都係OL，場面都幾養眼，但怕亂影被人誤會，冇影到、唔敢影環境相。價錢方面，三餸連熱飲$55，中環區都差唔多，加上靚環境又係商場舖，計埋條數都算係唔錯。食物方面，估唔到有驚喜。首先係杯嘢飲，我點咗咖啡，佢竟然係即磨嘅，車仔麵玩到咁大真係少見，可能中環人要求高，唔畀靚少少都唔得，反正消費得起。至於個麵，主要試咗佢餐紙推介個黑松露餃同埋牛肋條，個松露餃又幾特別，唔錯。由落單到上菜，啲店員都幾有禮貌，中環金融區，果然唔同啲。