今次叫左個晚市二人餐，包左一份前菜，兩份主食同埋甜品，另外加左兩杯飲品。
前菜揀左芝士薯仔千層，造型幾有趣，芝士味唔算好濃，同埋薯仔切得比厚身，所以加埋一齊口感就普通。
至於主菜分別叫左一份黑松露蘑菇意粉同埋一份牛扒配炸薯仔。牛扒就普通，雖然確實係做到5分熟，但係牛扒本身質素一般，冇乜肉味。但係意粉就有驚喜，黑松露味突出，面都煮得啱啱好。
最後就係甜品tiramisu，唔算好甜，但係咖啡味道唔係好濃。不過不失。
整體嚟講都算係一個唔錯嘅晚餐，環境好舒服，仲要係寵物友善，但係食物嘅質素就有進步空間。
1
2
1
