小點角落 (新都會廣場)

Open Now

Now Closed

收左工心郁郁都去掃街食下街頭小食，奈何香港呢個月份天氣又濕又熱，企係街一陣都流哂大汗。好彩老婆醒目，上網揾到呢間小點角落，係正葵芳地鐵站隔離新都會廣場，唔使熱辣辣都可以掃街。坐低即刻叫個掃街拼盤，滿足下想掃街既慾望。個拼盤有成五款小食，包括麥皮蝦芒果沙律脆筒，碗仔蒟蒻麵，特特大魚蛋，山椒咸蛋黃雞翼，蝦頭油菜園燒賣同新煎釀三寶，係街頭小食上注入創新元素，好特別。我哋仲叫左啲傳統小食，分別係瑞士雞翼同咖哩豬皮魚蛋，過足癮今次真係。小食之餘當然要有啲主食填飽個肚，葱油溏心蛋飯同蝦頭油撈麵落左唔同既油，好香好惹味。掃街梗係要食甜品，小點角落有好幾款甜品，我哋點左即撞木桶豆腐花，芋頭西米椰皇蛋白同埋楊枝甘露，老婆食到好滿意，係冷氣底下掃街食埋甜品，真係舒服暢快。