西塘花記 (Closed)

國內網紅水餃店 西塘花記，香港終於有第一間加盟店喇。主打必食：五福餃同花色水餃，你見到顏色咁靚，係用新鮮蔬菜打汁做成，不加添人工色素，餡料用上新鮮，少鹽少糖少油，材料最適合講求健康嘅你！餃子餡料非常有驚喜，五福餃有剁椒魚水餃、冬菇豬肉水餃、番茄牛肉水餃、三鮮水餃、韭菜蝦肉水餃，款款都係靚料，味道真係唔錯！而我同阿仔最欣賞雨花石水餃，佢叫做彩虹餃，餡料係馬蹄豬肉，餃皮用上紅莧菜火龍果汁、菠菜汁、南瓜汁，要好有技巧先可以做到顏色呢，咁靚阿仔胃口大開同我爭食！又靚又健康小朋友都啱食。另外，下午茶時間有套餐，都算抵食！店內裝潢亦清優雅座，以木製家具設計，乾淨衛生。