話有間「叁不館」環境氣氛都好好❤️
今晚終於有機會試吓，
餐廳設計真係好有心思，
有以前舊香港歌舞昇平嘅感覺😍
今次我地2個人叫野食唔多呀，
下次要搵多啲人打邊爐會再開心啲🤭
咯咯雞花膠湯 ⭐️⭐️⭐️⭐️⭐️
好鍾意佢嘅雞係另上，
飲完啖湯可以按自己喜好落雞，
同時間打埋邊爐真係好正呀💕
雞湯飲得出落咗好多心機，
而雞肉係勁嫩滑而且份量超大，
推介3、4個朋友嚟一定要叫呢個湯底！
椒鹽雞翼尖 ⭐️⭐️⭐️⭐️⭐️
見到餐廳推介而我又係雞翼尖fans，
諗都無諗過原來咁大碟🤣
椒鹽惹味炸得香脆，
咬吓食吓好過癮，
我差唔多自己KO晒成碟👍🏻
海鮮 ⭐️⭐️⭐️⭐️⭐️
（大連鮑魚、日本扇貝、蘇格蘭蟶子)
食海鮮一定要set定時間計時，
咁先唔會浪費咗！
呢度嘅海鮮價錢合理好值得食，
叫咗3款海鮮都極新鮮，
誠意推介必食大蟶子，
口感爽嫩鮮甜味好突出❣️
手切封門柳 ⭐️⭐️⭐️⭐️⭐️
呢度嘅牛又係好抵食💰
大大碟都只係$358！
封門柳肉味濃郁，
手切厚度剛剛好，
唔駛淥得太耐，
7成熟就剛剛好了😁
自家製四拼餃 ⭐️⭐️⭐️⭐️⭐️
(鮮蝦雲吞、韮菜餃、芫荽餃、午餐肉餃)
我超鍾意打邊爐食餃😋
第一次見午餐肉餃好特別呀！
其次鮮蝦雲吞真心推介，
大大隻蝦皮薄餡靚好有水準！
手打五寶丸 ⭐️⭐️⭐️⭐️⭐️
(豬肉丸、鯪魚丸、牛丸、墨魚丸、蝦丸)
心思思唔知揀邊款餃，
呢個正寶丸就真係滿足晒！
平時打邊爐我好少食鯪魚丸，
原來可以咁好味😋
1
