越粵棧

Open Now

Now Closed

平均一星期會幫襯兩次。老闆娘好好人。廚房煮野亦有一手。今次得兩個人。只係點左兩三個至愛。黃金雞-個名好好聽。即係咸蛋黃炒雞咸蛋黃唔會過多亦唔會油淋淋。雞皮香脆。雞肉嫩滑。送飯送酒一流。花鵰蛋白蒸蟹-蛋白滑嘟嘟。加上蒸蟹流出的蟹汁。非常鮮味。打開個蟹膏。爆哂膏勁好味！豉椒牛肉煎米-煎米底煎得金黃香脆。配合埋個豉椒牛肉。脆卜卜。好好味。仲有霸王鮮魷。黃金什菌。乳鴿（必食）。都好好味。蒜味鮮蝦木桶飯。德國脆豬手。味菜炒雞雜。都係推介之選。飲埋啤酒汽水。平均每人都係$2xx。真係非常抵食。九龍城就唔建議揸車。因為真係好難搵位。或者泊去九龍城廣場。