嘉香汕頭魚旦粉麵家

Open Now

Now Closed

最近都鍾意去搵下啲舊式食店。經過沙田，見到呢間麵偝舖幾有風味，所以就入左去食碗麵。入到去，好似番左去廿年前咁，中學lunch time會衝去食飯既小店，好舊式家庭式嘅茶餐廳感覺。呢度既餐牌好特別，好多都係手寫，而且感覺上有Ｄ隱藏食物。見到有清湯腩，好難搵到地方抵食加好食，之前睇過某報道咩排名五大清湯腩，其實都係伏伏地。咁難得見到，梗係要試下。牛腩夠腍，夠味，湯可以再清Ｄ。我覺得都可以接受。十幾年前係北角食過一間叫清湯腩（舖名：回味，已結業），一食難忘，所以近幾年食好多間清湯腩都搵唔番呢種令人喜出望外既感覺。五香牛腩肉質比清湯腩結實啲，都入味。這個都可以。健康飲食必需，無特別評論。準備走個陣先見到有人叫客家雞飯，睇落都幾靚仔，反而想試下呢個雞飯有幾特別。另外就係想試下係度打邊爐，下次有機會再黎就再介紹俾大家啦。