金碧酒樓

Open Now

Now Closed

9月中嘅星期六，同食友到金碧酒樓食晚飯，我哋預約咗7:30。去到酒樓已經差唔多全滿，剩返一兩枱2-4人枱。大夥人嚟食，記得預約。我哋本身已經睇咗菜單決定食乜嘢菜色。先來嘅係叉燒，7分瘦三分肥，唔係太甜，建康，亦啱我口味😚。杏汁豬肺湯，好足料，除咗豬肺亦有豬肉，杏汁味配湯可以接受，平時我唔鍾意杏汁味，也接受到。炸蝦球，魚腸焗蛋，蛋蒸蝦，就係酒樓水平，比較特別係八寶鴨，釀鯪魚肉同理豉汁蒸盤鱔，係手工菜式，好少酒數再做啦。蒸盤鱔好好食，蒸得啱啱好，魚肥又滑。鯪魚肉好香，應該落足配料。食完之後仲有一碗糖水送，好好。呢度啲員工已經上了年紀，大家有興趣試就快去。