食物方面主要都係一啲台式嘅食品咁，大約種類都係嗰啲，鹽酥雞呀滷肉飯啊豬肚等臟類嗰啲，咁我哋就冇嗌內臟啦，叫咗個醉雞同埋三杯雞試下。醉雞來講唔似係一般上海鋪食嗰啲好濃烈嘅酒味，雞嘅話肉質滑度都唔足夠，佢係類似雞髀蒸熟左先再浸酒，所以就唔係好入味啦，變咗肉還肉，酒還酒味咁。另外三杯雞都唔算係好正宗嘅做法，而且熱度唔夠，所以以主打台灣食物來講嘅話佢只係去到啱啱合格嘅質素。飲品方面都冇咩特別話好出眾。另外本身想試吓佢甜品，可惜佢當日就全部都秀售罄，咁就冇辦法啦。
如果以一間叫做享受食物嘅餐廳來講呢，咁就非常之一般嘅，但如果以一間係朋友聚腳聊天，或者自己休息放空，小工作睇書過幾個鐘嘅地方呢，都不失為一個選擇嘅。
