黑松露炒蛋多士餐（$37）
蛋炒得好滑嫩，配上唔少黑松露顯得更矜貴，不過多士稍微再烘耐少少會更有口感同更完美。
羅宋湯係跟餐
大大碗，有好多蔬菜🥬，真材實料，味道不俗。
蜜糖雞翼（$40）&椒鹽雞翼（$40）
各具特色：蜜糖味外皮有少少焦，然而更加脆口；椒鹽味味道唔算重，但炸得岩岩好。
黑松露薯條（$40）
薯條炸得金黃色，仲係熱勒勒，更值得讚係黑松露沙律醬十分惹味，酸酸甜甜。
咸牛肉芝士玉子燒（$60）
可選配料一份，個人揀左炸蝦，蝦肉彈牙。玉子燒配上芝士，十分拉絲，整體size好大，不過咸牛肉又真係有少少咸🤪
星級雜扒（$100）
有西冷扒、雞扒、英式腸、煙三文魚同炸帶子，足料十分，當中雞扒無雪味，西冷唔算好多根，呢個價錢而言可謂超值！如果唔想食薯菜，仲有飯同意粉等可選。
北海道3.6牛乳（$20）
好少可見茶記有得飲，健康又解渴，亦為呢餐地道得黎又創新嘅港式晚餐作完美句號。
