南北小廚 (Closed)

今晚約左班舊同事出黎食飯，無見咁耐個個都靚左又瘦左喎!!!!我地約左去POLYU既「南北小廚」，聽ALAN講，嗰度好抵食!試下啦，我都未去過~去到都幾多人，好彩我6點就到左攞位咋，望下個餐牌先，嘩!不得了!咁平既?48蚊有1個小菜1碗飯1個湯1個菜???有無咁平呀??等埋佢地黎我地就ORDER左幾款小菜~梅菜蒸肉餅: 小菜套餐係一人份量，個SIZE岩岩好。梅菜醃得好入味，偏咸左少少，但係由於肉餅既醃味唔係太重，所以同肉餅個味岩岩好。肉餅食落似新鮮肉餅，無雪藏味，而且時間蒸得岩岩好!杞子雲耳蒸雞: 要讚要讚呀! 雲耳好爽口，咬落去”索索聲”，而且D雲耳吸收晒D蒸雞汁，好好味!不過我就覺得D雲耳太細塊XD如果可以大塊D就好啦~D雞都唔小份量呀!數過都有成12件，雖然都知道係雪藏雞，但係因為醃得夠入味，所以食唔到雪藏味!另外D雞雞皮比較多，建議下次可以改善下。海皇扒豆腐: 呢個菜份量好多，因為有好多豆腐!不過我覺得呢個菜好主觀，中意食既會覺得好好食，唔中意既會覺得好”漏”。我就覺得幾好味，海皇其實就係有少少菜﹑紅蘿蔔同蝦肉，但係其實個豆腐無乜味，比較淡口，其他配菜都比較淡(但係因為我中意食清