味道樂居酒屋 (元州街) (Closed)

陪朋友在長沙灣區睇樓，眼見附近一帶均是茶記快餐店。適逢星期日想食餐好些，隱約看見一間充滿日式風情燒物店，便入去試試。餐廳店鋪面積雖小，但裝潢充滿日式情懷，跟東京大阪的燒物店別無多樣！ 最欣賞的是餐具器皿detail位都非常東洋風，唔講以為自己去左日本。食物方面，餐牌選擇眾多，海鮮燒物一應俱全，整體份量、味道、賣相均達水平以上，當中最出色的是蟹膏醬燒北海帶子，肉質鮮嫩，配搭新鮮。綜合餐廳環境、服務態度、價錢及食物品質四大評分準則，推介指數有8.5分。（10分滿分）七味唐楊魷魚鬚外層夠脆，香口非常，雖為炸物但卻不油膩。味道與中式酒樓小食相似，略帶點甜味。流心芝士魚餅一般魚餅均較細件厚身，但這裡的卻較薄及大件，咬入口還有半溶芝士流出，口感一流。大蔥雞肉串/黑蒜黑豚肉卷香甜醬汁鋪滿大大粒蔥連同雞肉一起燒，大蔥燒得恰當爽口，略嫌雞肉未夠燒得香口。豚肉卷選用半肥瘦豚肉，醬汁同樣香甜，彈牙煙靱。蟹膏醬燒北海道帶子全晚精彩之最，石鍋底配似牛油菇菌，連同四大粒鮮帶子鋪面，中間還有蟹膏配襯。帶子新鮮彈牙沒有半點雪氣味，連同甘香蟹膏一同入口，鮮味相當濃郁！