門面掛住兩個搶眼紅色大燈籠🏮
樓面都唔細，有大圓枱，四人小圓枱都有。
無論樓面定廚房員工都好爽手，
一坐低即刻有壺茶比你(☕️茶芥$10/位)
會準備水比你洗餐具，上菜都好有效率，
我諗落完單等左五分鐘內已經陸續上菜，十分鐘內上齊哂。
✨味道74分，服務80分，環境76分。
.
🔸燻蛋($15/隻)⭐️
上菜已經幫你切開左一半，蛋呈金黃色，
幾大隻，內裏係溏心蛋，蛋黃好黏稠果種，好正！
除左表面有少少椒鹽調味，仲食到淡淡既煙燻味。
.
🔸乾煸四季豆($88)⭐️
四季豆夠嫩，肉碎香，真係做到乾乾地既效果，
唔會整到好油，以往成日見到其他餐廳成碟底都油浸咁。
.
🔸咕嚕肉($108)
個portion細左啲，咕嚕肉外層做到少少脆，
但肉質較硬較實，唔夠鬆軟，而且汁唔夠酸。
.
🔸上海菜飯($20)
菜飯既菜都好翠綠，證明都幾新鮮，唔會擺到黃哂。
