前家樂餐廳火鍋店 (Closed)

同朋友去完奧海城行街，上open rice睇吓附近有咩好食!見到呢間前家樂好似好唔錯，一於去試下！呢間有雞煲同烤魚，佢地好細心，唔單止辣度可以選擇連當中既配料都有得選擇！岩晒果d對食有份執著既人最後，我地就選擇左食麻辣雞煲！店員拎黎果陣已經聞到陣陣香味！好想快d食！街外好多雞煲都差唔多味道，唯獨呢間既雞煲味道與別不同雞肉好鮮嫩，一食就知唔係冰鮮雞！佢既BB辣麻而不辣，岩晒食唔到辣既人。食晒d雞店員就幫我地加湯打邊爐，係真係湯，唔係水！叫左份日本廣島蠔，雖然唔係好大隻，不過都唔錯中意食蔬菜既我叫左金菇菜、粟米、薯仔做火鍋配料，份量適中，品質都唔錯！