慢煮工業喺太子有兩間分店 之前試過食另外一間 但係朋友就去咗呢間分店😂 入面食嘅食物同另一間分店都有啲唔同㗎 想約朋友嚟嘅要注意喇 唔好約錯地方呀🙈
1
1
焗農夫包湯
呢個係叫一款主食再加$28加配嘅 本身以為會係一碗湯配一嚿麵包🥯 但係原來係麵包入面有個窿裝住啲湯 湯嘅味道都唔錯 係忌廉海鮮湯
美式烤豬仔骨(4枝)
呢個美式豬仔骨幾方便食 因為已經預先斬好咗一條條骨 令我哋唔駛再額外分割呢個主食 食落去更加優雅😌 味道正正常常 都係燒烤醬嘅味
輕食拼盤
底部有薯條 而雞翼 炸蝦 芝士條 炸蠔 各有兩件 雖然全部都係炸物 但係感覺唔會太油膩又唔會太熱氣 最鍾意係個芝士條 因為咬出嚟仲有拉絲㗎🥰
呢間餐廳食物質素唔錯 環境亦都好適合同朋友聚會閒聊😋 價錢亦都好合理 所以真係幾值得嚟㗎
