阿叔泰麵 (西菁街) (Closed)

今日想同大家介紹嘅就係依間阿叔泰麵😛阿叔泰麵其實聽個名都知主要食泰國嘢，主打船麵嘅。咁我同朋友一坐低就即刻叫咗牛肉船麵嚟試下👍🏻。依到推薦大家係食佢地嘅船麵之前就落白糖，白醋，魚露同辣椒去令到嗰湯底更加好味嘅。嗰麵嚟到喇，覺得佢都算幾足料。然後就加埋佢啲調味料啦，我自己就覺得好正嘅，但朋友就覺得有啲辣，如果唔食得辣嘅朋友就可能唔好落咁多辣椒喇。朋友就咩都唔落就原味湯底咁，都正嘅。佢啲配料我覺得牛腩佢地整得好淋好入味。牛丸就普通啦👌🏻。佢依到麵嘅種類都幾多選擇，有金邊粉，河粉，米粉，粉絲同蛋麵。我就覺得蛋麵冇特別，朋友揀咗河粉，河粉真係幾唔錯，好吸湯，正😍。