西貢營地 (Closed)

今日又帶埋愛犬QQ出發去揾食今次去開西貢剪毛，梗係要揾吓有冇新店先，知道有間新開2個月嘅露營風小店，當然要去試吓啦。一去到就見到 PR金毛狗义燒，今次有少少淆底，其實佢係好乖好靚仔嘅。因為cafe(其實末算係cafe，因為遲啲先有咖啡供應）係對住個海，所以坐室外係好舒服，好chill，呢間小店主打泰式香蕉煎餅同梳打飲品，我哋叫咗Lotus 焦糖脆餅香蕉煎餅（我覺得煎餅食落有啲似豆沙鍋餅，不過豆沙餡換佐香蕉蓉，餅上再加上焦糖餅碎）食落都幾好食，唔會好甜，飲品叫咗百香果菠蘿梳打同百香果檸檬梳打，好飲得嚟，賣相又幾特別。