我地叫左一個二人餐，點左個洋蔥圈，豬條骨同芝士蜜桃去骨雞腿焗飯，餐飲呢就叫咗檸檬草氣泡茶，同埋紅豆爆谷，個檸檬草氣泡茶好特別，因為唔係好多地方有香矛做特飲，仲加左7喜，好新鮮既配搭。
呢個二人餐仲包左餐湯同麵包條，個湯有好多疏菜，非常足料，仲配埋個蒜蓉包。
個洋蔥圈好有睇頭，個個都拳頭咁大隻，外脆內香。
食左幾塊都開始飽飽地，豬仔骨黎啦，好大份，仲配埋薯條同沙律，男友幫手切開，好冧好易切，
而且輕易就骨肉分離，唔會食到好狼狽咁，配埋個蜜汁同燒汁，好好味。
最後個焗飯後到我地都有啲飽，不過見到厚厚芝士同蜜桃呢個配搭，又繼續食，都食左大半。
最後上埋甜品木糠布甸同埋加18轉既心太軟，真係大滿足，個心太軟超正，一切開就係咁流朱古力漿，工作苦悶個陣最想就係食心太軟啦。
